Մրգի և բանջարեղենի վերամշակման արդյունաբերության զարգացման նախադրյալները Հայաստանում
Հայաստանում սննդի արդյունաբերության զարգացումը տարբեր պատմական ժամանակաշրջաններում ունեցել է տարբեր տեմպեր և մակարդակ: Ակնհայտ է տարբերությունը մինչ խորհրդային կարգերի հաստատումն ու դրանից հետո:
Վերջին շրջանում պահածոների արդյունաբերությունը Հայաստանում արագ տեմպերով սկսել է զարգանալ: Ընդ որում, արդյունաբերական ընդհանուր ծավալի շուրջ 50%-ը կազմում է մրգի և բանջարեղենի պահածոների արտադրությունը. այս թիվը տարեցտարի մեծանում է նախորդ տարիների համեմատ՝ ապահովելով շուրջ 72% աճ։
Տեղակայված լինելով կլիմայական բարենպաստ գոտում և հայտնի լինելով քաղցրահամ պտուղներով, մրգերով և տարատեսակ բանջարեղեններով՝ Հայաստանում սննդի արդյունաբերության մեջ մշտապես կարևոր ենթաճյուղ է համարվել սննդի, մրգի ու բանջարեղենի վերամշակման արդյունաբերությունը, որն իր մեջ ներառում է մթերքի պահածոյացում և պահածոների արտադրություն:
Պետական աջակցության և որոշակի արտոնությունների տրամադրման շնորհիվ Հայաստանում մեծ թափով զարգանում է պահածոների արտադրությունը, ընդ որում՝ պահածոների 80%-ը արտահանվում է հանրապետության սահմաններից դուրս։ Սրան համընթաց զարգանում է նաև մրգի և բանջարեղենի վերամշակման արդյունաբերությունը, քանի որ արտադրական պրոցեսում որպես հումք օգտագործվում են հենց տեղական մթերքներ:
Մրգի և բանջարեղենի վերամշակման արդյունաբերության ծավալների աճն ու զարգացումն ուղիղ համեմատական են դրսից եկող ներդումների ծավալին, որոնք ևս հանդիսանում են կարևոր նախադրյալ այս ճյուղի զարգացման համար:
Սննդի վերամշակման և պահածոյացման տեխնոլոգիաները Հայաստանում
Այն մթերքը, որը ենթակա է վերամշակման և պահածոյացման, նախ և առաջ պետք է լինի առողջ, չվնասված և համապատասխանի տեխնոլոգիական հասունության չափանիշներին:
Պահածոյացման համար մրգերն ու բանջարեղենը պետք է ունենան համապատասխան պնդություն, գույն և համ: Մրգային հյութերի և խտացրած պահածոյացման դեպքում թույլատրվում է օգտագործել նաև որոշակի թերություններով և տարբեր հասունության աստիճանի պտուղներ: Հասունության աստիճանը որոշվում է մի կողմից սուբյեկտիվ՝ ելնելով մրգերի կամ բանջարեղենի օրգանական հատկություններից, մյուս կողմից՝ օբյեկտիվ-լաբորատոր հետազոտություններով:
Մթերքի տեսակավորման հաջորդ փուլը մաքրման գործընթացն է, որից հետո կախված պահածոյացման կամ վերամշակման տեսակից՝ մթերքը տեղաբաշխվում է համապատասխան տարրաների մեջ: Այս գործընթացում հատկապես կարևոր է հետևել մաքրությանը և ապահովել մաքսիմալ մանրէազերծում:
Արտասահմանյան փորձի և ժամանակակից սարքավորումների շնորհիվ Հայաստանում հնարավոր է ստանալ միջազգային բոլոր չափանիշներին համապատասխանող պահածոներ:
Հայկական սննդամթերքի արտադրություն Սիփան պահածոների գործարանում
Արդեն 15 տարի տեղական և արտասահմանյան շուկայում հայտնի «Սամ-Հար» պահածոյացման գործարանն իր «Սիփան» ապրանքանիշով առաջիններից էր, որ ձեռնարկեց հայկական մրգերի և բանջարաղեղենի վերամշակումն ու պահածոյացումը: Կարևորելով ազգային տնտեսության զարգացման նշանակությունը՝ ընկերությունն իր արտադրանքում օգտագործում է միայն հայկական հողում աճեցված մրգեր և բանջարեղեն:
Ընկերությունն իր գործունեության սկզբնական շրջանում զբաղվում էր գազավորված զովացուցիչ ըմպելիքների և հանքային ջրի արտադրությամբ, սակայն շատ կարճ ժամանակում ընդլայնեց իր արտադրությունը՝ շուկայում ներկայանալով մրգային կոմպոտների, մուրաբաների, բնական հյութերի և բանջարեղենային պահածոների տեսականիներով:
Հատուկ մշակված բաղադրատոմսի, ժամանակակից տեխնոլոգիաների ու հայկական մրգերի ու բանջարեղենի յուրահատուկ համի շնորհիվ է, որ «Սիփան» պահածոները սիրված են ոչ միայն Հայաստանում, այլ հանրապետության սահմաններից շատ հեռու: