• Հոդվածներ  /
  • Բանջարեղենի պահածոների արտադրության հիմնական փուլերը

Բանջարեղենի պահածոների արտադրության հիմնական փուլերը
Բանջարեղենային պահածոները շատ տարածված են տարվա ցանկացած սեզոնին, քանի որ դրանք կարող են օգտագործվել ինչպես տարբեր աղցանների մեջ, այնպես էլ՝ որպես հավելումներ: Պահածոյացված բանջարեղենը պատրաստվում է ինչպես ամբողջական պտուղներից, այնպես էլ կտրտված, խյուսացված վիճակում:

Բանջարեղենի պահածոների արտադրությունը բաղկացած է հետևյալ փուլերից.

    • Հումքի լվացում (մակերեսից կեղտի, միկրոօրգանիզմների հեռացում և այլն);
    • Մաքրում;
    • Տեսակավորում՝ ըստ հասունության, գույնի և այլն;
    • Չափազատում, որն իրենից ներկայացնում է հումքի բաշխումն ըստ չափերի;
    • Վնասված բանջարեղենի/մրգերի հեռացում;
    • Կտրում, մանրացում, փայլեցում;
    • Տեղավորում տարայում;
    • Պատրաստի արտադրանքի ստերիլիզացում, որն իրականացվում է +100-1400C ջերմաստիճանում;
    • Վերջնական փուլը ստերիլիզացված պահածոների սառեցումն է ջրով;
    • Պիտակավորում։

Պահածոյացված բանջարեղենից ամենատարածվածներն են կանաչ ոլոռը, եգիպտացորենը, մարինացված սունկը, կանաչ լոբին, թթու վարունգն ու լոլիկը և այլն։

Բացի վերը նշվածներից, որոշ բանջարեղեններ, անհրաժեշտության դեպքում, ենթարկվում են քիմիական և ջերմային մշակման (թարմ տեսքով հերմետիզացիա):

«Սիփան» գործարանում արտադրվող բանջարեղենային պահածոներն առանձնանում են ոչ միայն իրենց յուրահատուկ համով, այլև առավելագույնս պահպանում են իրենց օգտակար հատկությունները, սննդային արժեքը և հանքային բաղադրությունը, քանի որ պատրաստվում են բացառապես Հայաստանի Հանրապետությունում աճող էկոլոգիապես մաքուր արտադրանքից։