Լիմոնի հյութն իր հրաշագործ հատկությամբ հայտնի լինելու շնորհիվ օգտագործվում է ոչ միայն բժշկության բնագավառում և խոհանոցում, այլև՝ կոսմետիկայի մեջ: Այն C, B, A և E վիտամինների բնական աղբյուր է, նաև հարուստ է հանքանյութերով և միկրոտարրերով, որոնք են մագնեզիումը, նատրիումը և քլորը: Բացի այդ, լիմոնի հյութը նաև իմունիտետը բարձրացնող հիանալի միջոց է: Այն պայքարում է հիվանդությունների ախտանիշների դեմ, ունի ջերմիջեցնող հատկություն: Լիմոնի հյութը արդյունավետ է ազդում նաև կոկորդային տարբեր հիվանդությունների, ասթմայի, ինչպես և չոր կամ թաց հազերի դեպքերում: Այն նաև օգտագործվում է ատամների սպիտակեցման և բերանի խոռոչի ախտահանման ժամանակ: